17 nov 2007

Andoni Sagarna euskaltzainaren sarrera-hitzaldia


Urriaren 26an egin zen Andoni Sagarna Izagirre euskaltzainaren sarrera ekitaldia, Donostian, Miramongo Parke Teknologikoan. Ekitaldiaren amaieran, Andres Urrutia euskaltzainburuak euskaltzain osoa dela adierazten duen diploma eta 26. zenbakia duen domina eman zizkion.



(...)Badakit zuetako askok teknologia hitza entzuten duzuenean, erreparo
moduko bat sentitzen duzuela eta batek baino gehiagok pentsatuko zuen
honezkero: zer egiten ote du ingeniari batek Euskaltzaindian?. (...)



(...)Dagoeneko metatua dugun jakintzan eta praktikan oinarrituz,
Hizkuntzaren Ingeniaritzako produktuen eta zerbitzuen industria
bultzatzea, hedadura handiko hizkuntzen merkatuetan
errentagarritasuna bilatuz, bide batez euskarak datorren munduan
bizirik irauteko beharrezkoak izango dituen tresnak landuz.

Mundu globalizatuan buru-belarri sartuta gaudelarik, jakintzan
oinarritutako organizazioak behar ditugula esaten digute adituek. Hara hor
bete-betean baldintza hori betetzen duen jarduera bat. Baliteke ni ameslari
bat izatea, baina uste dut areto honetan bertan dauden dozenaerdi bat
lagunek estrategia horretan sinetsiko balu, bideragarria litzatekeela.(...)
Hau ere nire irakaslea izan zen orain dela 30 urte, berarekin ikasi nuen bere garaian zegoen Fisika hiztegia eta Fisika irakasteko baliabideak.



Bideo hori 2007ko azaroaren amaiera arte ikusi ahal izango da.


Oharra: Bideoa ikusteko Real Player erreproduzigailua instalatu behar duzu aurretik .

No hay comentarios: