Intemperies (babes bila) - Lourdes Oñederra

Denbora desberdin ari da igarotzen. Luziak ez
daki noiztik, noiz hasi zen denboraren desberdintasun
hori, aldaparik gabeko igarotze hori, iraganetik
orainera kolore aldaketarik gabe, bide laua,
oharkabean pasatze hori lehenetik orainera, urteak
laburtu eta minutuak luzatu, loditu egin balira
bezala. Goizak arratsaldeetatik urrutiratuz
doaz eta motel, oso motel gogoratzen dira goizean
gertatuak, baina garden, gordin agertzen
dira duela hogeita hamar urte entzundako esaldiak,
ikusitako begiradak.
Gorputza. Gorputzaren bestelakotze geldiezin
hori. Ezinbestean, inevitably, inevitabilmente.
Amodiozko nobela bat? Nobela guztiak dira
amodiozkoak.
Nolanahi ere, amodiozko nobela paregabea.

lehengo kapitulua

Miren Lourdes Oñederra euskaltzain osoaren sarrera-hitzaldia

Drift

Hizkuntza airez eta memoriaz dago egina, hizketa airezkoa da, aire mugimendua, airea mugitzea, ura mugitzen den bezala: uhinetan (olatuetan, guk hemen Donostiako hondartzetan, Donostiako kaian (kaiean) esaten genuen/esaten dugun bezala).

Uraren edo airearen mugimendu horri deitzen zaio ingelesez drift, mugimendu horri edo mugimendu horrek (airearen eta uraren bultzadak)eragindako mugimenduari.


Miren Azkarate: "Ur-lasterraren dama"